丸·茶手作 (已結業)

同朋友嚟到佐敦，突然想飲番杯珍珠奶茶，上網一search發覺有一個新開嘅台式飲品店，個個都話佢啲珍珠好特別，於是就覺得不妨一試。一嚟到門口已經見到做緊新開張優惠，而且門外面望入去仲見到係人手整嘅珍珠，望落真係好吸引呀。一嚟就梗係叫一杯烏龍茶做Base嘅珍珠奶茶啦，烏龍茶比一般坊間用鐵觀音茶做Base嘅奶茶有另一番香濃嘅味道，而少d澀味。而我就揀咗最近好hit嘅黑糖珍珠，再加上我好鍾意嘅芒果蒟蒻球做配料。估唔到三樣野加埋嘅Max and match咁夾。黑糖珍珠咬落好有口感，而且芒果蒟蒻球咬落超爽！建議大家真係要試一試呢個配搭啊！陪我去嘅朋友就叫咗一杯芒果綠茶，綠茶嘅味道有少少蓋過左蓋過左芒果嘅味道，所以茶味會比較濃。呢杯芒果綠茶十分適合鍾意茶味較濃嘅朋友仔。雞蛋布甸就十分之甜，襯落芒果味度就啱啱好。值得一提嘅係，桂花珍珠比起一般珍珠更加清甜，而且一樣好有嚼勁，真係好值得推介架！