食代館 (MOKO新世紀廣場) (已結業)

本身好鐘情於蛋包飯，所以見到就第一時間衝過去，叫咗鰻魚蛋包飯同芝士漢堡扒蛋包飯。價錢同啲日式餐廳差唔多，所以完全冇諗過會難食。點知非常失望，賣相唔靚都唔緊要，重點係味道，結果令人唔可以接受，真係非常非常失望！炒飯有啲硬，又唔夠熱，漢堡扒食落好似蒸豬肉餅咁，而且味道好怪，有啲雪藏味，芝士完全好穩固咁黏住塊扒食唔到芝士味，啲蛋過熟唔夠滑。雖然係food court 但冇諗過會咁令人失望！個人覺得唔值呢個價錢，朋友話冇諗過會咁伏。