公利真料竹蔗水

營業中

休息中

一直都好想嚟呢間老字號「公利真料竹蔗水」試吓，叫咗一杯蔗汁同埋一份蔗汁糕。杯蔗汁好濃郁，甜就一定啦！同平時飲嗰啲蔗汁有少少唔同，第一啖飲落去覺得真材實料，因為佢唔似平時嗰啲咁稀同埋清澈，佢真係似一杯原汁原味嘅蔗汁，係好飲嘅！因為杯蔗汁好飲所以我更加期待碗蔗汁糕。打開個外賣盒見到裏面有一碗蔗汁糕分開四件，用叉拮落去好有彈性好Q，佢嘅彈性令到你唔容易拮起一件糕，因為真係好彈！終於拮起左第一舊，我一次過將成舊擺入口，咦！咁淡？！好奇怪，真係好淡，我唔係好相信，所以再試第二舊，答案係一樣咁X淡！好似將蔗汁溝咗水嘅味道咁1:99，好失望！我覺得唔好食。