春陽茶事 (The LOHAS康城) (已結業)

今日lunch食完飯覺得好口渴同同事去咗買台式飲品見到咁啱出咗新嘢，所以同同事一人叫咗一杯試吓我叫咗限定- 甜杏桂花烏龍出乎意料，桂花味非常之香，杏仁味都好出好濃郁，對於鍾意杏仁嘅我真係一流，入面仲有啫喱去增加口感同層次，配合埋烏龍茶令到整杯飲品甜度適中飲落清爽，超級好味喎，我建議大家叫3分糖咁就唔會太甜另外我朋友叫咗胭脂芭樂冰茶，都係期間限定嘅系列芭樂味嘅綠茶飲落好冰爽解渴，茶味香醇，作為胭脂嘅果肉帶出豐富嘅口感，成杯飲品酸甜解膩，好正。