90s Lazy (先施大廈) (已結業)

在先達旁大廈入口搭𨋢上。冇訂位，但好好人可以留低電話，話等半個鐘。15分鐘後，就打嚟話有位，即刻上返去。意粉好味，檸檬梳打好味，花茶好味。侍應親切友善，有笑容。裝修清新，好多植物。但係唔知點解同其他樓上Cafe一樣，廚房油煙味一定要充斥整間餐廳。已經請侍應開咗空氣清新機，依然係好大朕油煙味。或者，應該加多好多部空氣清新機？定係裝個好強力嘅抽油煙機？睇得出好用心想做好件事，所以更加希望佢哋再做好啲。下次會再嚟，俾多次機會佢。香港人加油！