桂花小幸 (元朗廣場)

營業中

休息中

今日同朋友去元朗廣場食台灣菜，見呢到有唔少選擇，價錢合理野飲款式豐富。入到黎用QR code落單，方便易用。叫左個麻辣牛肚麵中辣，朋友平時都幾食得辣，難得聽到佢話呢個麵好夠辣，食得過癮，牛肚都好淋同入味，夠哂足料。小食花枝丸，外脆內軟，香口。另外仲叫咗個特濃蕃茄雞扒米線配涼拌黑醋茄子再加手拍小黃瓜，蕃茄湯底濃郁，配埋炸得好鬆脆嘅雞扒， 十分滋味，黑醋茄子酸酸辣辣嘅小食真係夠晒開胃。飲品方面，仙氣芒果茶，芒果味道濃郁，解辣一流。鐵觀音珍珠鮮奶茶，鐵觀音成個茶包落茶味清香，珍珠彈牙又夠甜。