影片
更多
2023-03-16
110 瀏覽
講起貓貓Cafe，一定離唔開旺角同觀塘都有舖嘅Urban Cafe🥰 呢排返工有啲辛苦，想搵貓貓療癒一下，Urban Cafe就啱晒我🥹旺角店勝在夠就腳，觀塘店就勝在地方大，兩間都有好多貓咪仔一齊玩！而喺尖沙咀收工嘅我，今次就去咗旺角店！去之前最好要book枱，咁上咗樓就即刻可以有店員安排你著返鞋套然後就入座。一入去就會見到唔同嘅貓貓喺度四圍行，店員帶我入去張枱，就有隻貓仔喺張櫈度歡迎我🥰基本上由你入去間舖至到你離開，中間任何時間都可以去撩貓仔玩，有啲好痴人，有啲就好高竇🤣黎得除咗玩貓，其實佢啲嘢食都整得好好，如果兩個人去，佢有二人餐，有兩個前菜、一個意大利飯或者意粉、一個肉食主食同埋兩杯嘢飲，不過我地想食二人餐以外嘅嘢，就冇叫餐lu🤣我哋嗌咗三重芝士肉醬闊條麵、美國豬鞍伴檸檬蘋果醬、黑松露拉絲芝士薯角！三重芝士肉醬闊條麵真係聽都已經邪惡滿滿，黎到時真身都係由外到內都充滿芝士🤤意粉軟硬度亦都十分適中，差啲食到碟都舔埋🤭美國豬鞍伴檸檬蘋果醬黎到時好似平平無奇，食落口就知原來呢幾樣嘢嘅組合係有加乘嘅作用，豬鞍本身帶少少肥邊，就咁食通常都少少膩，但係配搭埋檸檬蘋果醬，帶有少少蘋果蓉，成件事即
旺角店勝在夠就腳，觀塘店就勝在地方大，兩間都有好多貓咪仔一齊玩！而喺尖沙咀收工嘅我，今次就去咗旺角店！
去之前最好要book枱，咁上咗樓就即刻可以有店員安排你著返鞋套然後就入座。一入去就會見到唔同嘅貓貓喺度四圍行，店員帶我入去張枱，就有隻貓仔喺張櫈度歡迎我🥰基本上由你入去間舖至到你離開，中間任何時間都可以去撩貓仔玩，有啲好痴人，有啲就好高竇🤣
黎得除咗玩貓，其實佢啲嘢食都整得好好，如果兩個人去，佢有二人餐，有兩個前菜、一個意大利飯或者意粉、一個肉食主食同埋兩杯嘢飲，不過我地想食二人餐以外嘅嘢，就冇叫餐lu🤣我哋嗌咗三重芝士肉醬闊條麵、美國豬鞍伴檸檬蘋果醬、黑松露拉絲芝士薯角！
三重芝士肉醬闊條麵真係聽都已經邪惡滿滿，黎到時真身都係由外到內都充滿芝士🤤意粉軟硬度亦都十分適中，差啲食到碟都舔埋🤭
美國豬鞍伴檸檬蘋果醬黎到時好似平平無奇，食落口就知原來呢幾樣嘢嘅組合係有加乘嘅作用，豬鞍本身帶少少肥邊，就咁食通常都少少膩，但係配搭埋檸檬蘋果醬，帶有少少蘋果蓉，成件事即刻清新咗100倍，好好食🥰
至於黑松露拉絲芝士薯角就當然係邪惡地好食啦😌充滿住黑松露嘅香氣，配搭埋芝士嘅味道，同埋啱啱炸起嘅脆身薯角，係一上枱就即刻好想食亦都即劇食🤣但同時個心炸到好熱🥹要小心
食完晒嘢仲可以買罐濕糧餵貓貓，貓咪們都會好期待又好興奮咁聚集喺你身邊，好療癒好開心架🤤
張貼
