DC 甜品屋

營業中

休息中

今日出咗去大角咀，下午茶時間想搵啲嘢食，見到這間店，本身以為只係得甜品，但見門口餐牌有意粉小食可以叫，價錢也唔貴，於是決定入去食. 舖位雖然唔係好大，但坐位舒適. 店內啲燈幾靚，啲圖案有啲似天主教教堂果D彩色圖案小窗.食物叫咗白酒蜆肉意粉、芝心雞堡配薯條、孜然羊粒、鮮牛油蒜蓉包（兩塊）、甜品叫咗飄香，即係楊枝甘露榴槤版同埋薑汁流沙蛋黃湯圓.蜆肉同意粉份量也不少，味道調得也不錯，唔會過鹹. 芝士雞堡流心效果正，薯條係粗薯條，點少少鹽食不用點茄汁也ok. 羊粒有羊臊味，鍾意食羊嘅人好多都係鍾意佢個臊味. 蒜蓉包即叫即整，熱辣辣脆口不錯. 至於榴槤版楊枝甘露，都幾有驚喜，味道唔會過甜，質地少少杰身，有榴槤香. 薑汁湯圓個糖水底夠薑，流沙蛋黃真係做到流沙效果，個餡少少鹹香幾好味. 服務方面不錯，甜品選擇又多，中西式等好多款揀，好多款都想試.這店應該似係家庭式經營，家庭式經營都可以有咁多款選擇真係幾有誠意.