Milu Thai มิลู่ไทย (百樂中心)

營業中

休息中

同朋友黎左呢間泰國餐廳Milu Thai食晚餐，呢間餐廳有好多有特色既泰國菜，試左幾樣都好覺得好特別海鮮媽媽麵有Thai Suki同冬蔭公味兩款口味，因為平時冇食開辣，所以我就叫左Thai Suki，口味係有甜酸辣3種口味夾雜住，食材有鮮蝦、墨魚、魚片等等，吸收左個泰式海鮮湯底，加上有青檸帶出既香味，食落好開胃好好味火焰燒雞呢個火焰燒雞係職員即場原隻係我地面前燒睇住隻雞係面前燒視覺效果好正之後職員將雞再切件上，賣相都一樣咁吸引，而且呢個雞食落好嫩滑，外皮脆脆地，連皮食好好食生蝦刺身生蝦刺身有6件，擺盤都幾靚，每件生蝦配上一片辣椒同蒜片，蝦肉食落都比較爽口，偏大隻好多肉，亦食到有蝦既鮮味菠蘿海鮮炒飯菠蘿海鮮炒飯幾有誠意，用左原個菠蘿上🍍，味道都唔錯炒飯粒粒分明，配料有腰果、貝柱、魷魚同蝦，好足料，食落一啖入面有唔同既質感，口感好豐富泰式燒腩肉泰式燒腩肉外皮脆脆地，雖然係腩肉，但一啲都唔會肥膩既感覺，特意將佢加入海鮮媽媽麵到，吸上甜甜酸酸既湯底幾好味芒果糯米飯呢個我個人好中意，芒果好甜，上面亦有芝麻既香味，糯米飯軟糯，口感好煙韌