影片
更多
2022-07-06
1570 瀏覽
遲來的食評，印象好深刻。成晚食到我毛管棟。首先再講多一次，黃店真係冇乜邊間好食。第二真係唔可以信食評，要信自己。當日諗住同朋友去食泰國菜，深水埗最方便佢收工過嚟，所以就揀咗呢間喺北河街街市附近嘅泰國餐廳。價錢係相當相宜，但又點呢？首先喺門口我已經唔想入去啦！因為佢個門面只有一條好窄好窄嘅通道，感覺上餐廳好陰暗，唔舒服，本人10分抗拒。相比隔離間餐廳，人哋門面闊大光猛，乾乾淨淨。真係有好大對比！入到去簡直要講粗口！好多烏蠅好多烏蠅，我都有問個夥計想點樣。得兩台客喺入面，間餐廳都咁多烏蠅嘅？我個人已經嬲咗，我都冇心機叫嘢食。我叫麻甩佬快啲叫嘢食啦，快啲食完，快啲走。。。冇錯正宗泰國人經營，但係真係好多烏蠅！青木瓜沙律▪️真心講，西九龍中心嗰間真係多料，味道又好食，人哋個青木瓜沙律係爽㗎。但係呢度好似食緊芽菜咁，簡直冇得比！生蝦刺身▪️唔厚肉，唔新鮮，勁細隻。蝦醬炒飯▪️最正常係呢個飯，味道正常。就算唔講衛生環境，價錢平/黃店都唔係一個吸引力。因為深水埗西九龍都好多泰國菜，價錢味道都比呢度好好好好好好好多。。。。我相信呢兩年，去過最
當日諗住同朋友去食泰國菜，深水埗最方便佢收工過嚟，所以就揀咗呢間喺北河街街市附近嘅泰國餐廳。價錢係相當相宜，但又點呢？
首先喺門口我已經唔想入去啦！因為佢個門面只有一條好窄好窄嘅通道，感覺上餐廳好陰暗，唔舒服，本人10分抗拒。相比隔離間餐廳，人哋門面闊大光猛，乾乾淨淨。真係有好大對比！
入到去簡直要講粗口！好多烏蠅好多烏蠅，我都有問個夥計想點樣。得兩台客喺入面，間餐廳都咁多烏蠅嘅？我個人已經嬲咗，我都冇心機叫嘢食。我叫麻甩佬快啲叫嘢食啦，快啲食完，快啲走。。。
冇錯正宗泰國人經營，但係真係好多烏蠅！
青木瓜沙律▪️真心講，西九龍中心嗰間真係多料，味道又好食，人哋個青木瓜沙律係爽㗎。但係呢度好似食緊芽菜咁，簡直冇得比！
生蝦刺身▪️唔厚肉，唔新鮮，勁細隻。
蝦醬炒飯▪️最正常係呢個飯，味道正常。
就算唔講衛生環境，價錢平/黃店都唔係一個吸引力。因為深水埗西九龍都好多泰國菜，價錢味道都比呢度好好好好好好好多。。。。我相信呢兩年，去過最差嘅餐廳，呢間一定係頭三名！
張貼
