泰基隆

營業中

休息中

午市期間，兩個人不作他想很自然地叫了兩客泰式碟頭飯。第一碟炭燒豬頸肉飯，豬頸肉透著微微的炭烤香氣，不十分強烈。肉質嫩中有爽，是對辦的；然而跟上的酸辣汁，頗重的青檸味，可惜一不夠酸二不夠辣，做不到提鮮的效果。煎蛋亦沒有任何焦香，蛋味完全不足。另一碟泰式豬手飯，豬手算是大隻，豬皮沒有預期中那麼多骨膠原，薄了些，而豬手的肉也未腍到一咬即化的地步，只能說是中規中矩。同樣的問題就是配上的酸辣汁亦略嫌調味不足，衝擊不到味蕾。食後感就是普通過普通，找不到亮點。

偶爾去深水埗搵食，要性價比，會去西九龍中心。不過星期六日就會人山人海，同埋啲位都真係唔太好坐。想舒舒服服食餐飯，誤打誤撞，嚟咗依間泰式餐廳。基本上，喺九龍城泰國餐廳，見到Menu上面有嘅嘢，泰基隆都有😎串燒，沙律，燒魚，炒粉麵飯等等等等今日試佢嘅炒金邊粉，串燒，同炒菜。食啲香辣嘢都唔少得，要叫飲品。整體嚟講，體驗好好。落完單，店員快快送上飲品，仲話唔夠甜可以再加糖。其實食咁多泰式餐廳，呢杯嘢真係最唔甜，但感覺非常好，終於唔係死甜，好甜，飲到椰子味。飲完今晚仲有quota食甜品。☺️泰式炒椰菜苗，食到魚露咸香味，再有少少辣辣地，佢個椰菜苗新鮮，唔苦，成件事配搭得好好。炒金邊粉，聽到廚房蓬蓬聲，已經知道好有鑊氣。色香味俱全，下次一定會再encore😜串燒正常發揮，但係個沙嗲汁真係超好味。下次要帶多啲人去，試啲唔同嘅嘢。環境乾淨，又坐得好舒服😌

門面好細唔多起眼，但係原來入到黎座位寬闊舒適，仲要有圓枱位，可大班朋友一齊黎，有BB車都唔緊要，都夠位放。星期日路過，一家入黎食，冇諗過仲有午餐，價錢好抵，都係五十幾蚊，仲送洛神花或青檸水。泰式金邊粉好好味，唔會太辣搶晒其他味，亦唔會甜到好漏，各種味道配合得好好，食材味出晒，自己手揸小小青檸汁，酸酸甜甜好開胃。值得推介！海南雞飯好清新，雞夠滑，黃飯好入味，粒粒米都包倒黃油，但成個飯唔油，雞味濃。正！泰式乾炒河都唔錯，好多料，但食到一半先記得影相。值得讚賞係老闆同員工好友善，好主動會問客人需要，如要唔要碗仔分、冷氣夠唔夠，好有禮。見隔離枱應該係常客，仲會主動打下招呼，好溫情，難得香港有咁好嘅服務態度。一定會再回頭，係一間可以encore嘅泰菜餐廳！

今日見到一間好評都幾多嘅間餐廳嚟咁我哋今次就去咗深水埗呢間叫做泰基隆嘅餐廳食泰國菜跟住我哋最後叫咗三樣嘢食嘅一個小菜仲有一個炒飯啦，同埋另一個炒金邊粉你都起身三樣嘢，我都覺得OK唔錯嘅味道適中炒個炒飯都唔算話太乾炒飯都幾入味嘅跟住就話金邊粉金邊粉落落去，雖然好似麻麻哋感覺，但係食落其實都係一個唔錯嘅最後總結係呢間係深水埗我都覺得一間叫做味道唔同嘅泰國餐廳嚟嘅價錢又唔算話特別貴得閒過嚟食個晚餐都係一個唔錯嘅泰國菜嘅選擇黎

我呢排喺深水埗返工，晏晝食嚟食去都係西九龍上邊嗰啲food court啊附近啲茶餐廳，今日呢就專登去睇吓有冇啲我想食嘅泰國菜啦就搵到呢一間，評分都算幾多，所以就去試一試啦。咁我同一個同事去啦，我哋一個人呢就嗌咗豬頸肉蛋飯，佢就嗌咗肉鬆海鮮炒飯。咁講返個服務體驗啦，咁啲員工呢就真係泰國人嚟嘅都識少少廣東話，成個感覺都係俾人覺得真係一間好正宗嘅泰菜咁樣，而且環境都尚算坐得舒服嘅。而講吓嗰兩個飯啦咁第一嗰啲豬頸肉呢就唔會柴咬落去有啲肉汁，我覺得係幾好食㗎啦，而另外嗰個海鮮肉碎炒飯呢啲肉鬆同海鮮都多！ 同個飯嘅比例呢都差差唔多啱啱好啦，咁所以都唔錯好食。再加埋個價錢50-60蚊搞掂絕對係值得一試！

今日去到餐廳，個店員話5分鐘之後有枱，跟住等咗15分鐘未有枱我入去問佢，跟住佢發癲喺度話有枱你唔信，跟住捉住我件衫跟住就趕我走。因為入邊空氣非常之惡劣，一入到去就咳得好犀利我冇辦法講嘢，佢都一直好似發癲咁喺度講我走！一間非常之黐線嘅餐廳。

先黎串燒6串88蚊，同出面d串燒好似無食飽飯唔同，呢到一串係半隻手咁大。可能火唔夠大燒得唔夠乾身，但就keep到入面有水份，depends你中意香口d定juicy d. 比足料你算係咁。想特別一提佢個sauce, 出奇地食完我都唔知係咩黎，似係某種植物既根部，又有少少奶油花生既味道，好淡味食唔出。泰式金邊粉($78)同馬拉盞通菜($60)就正常操作，都係比出面會大份少少，d粉好煙un我幾中意，另外佢會落好多紅色既蝦米。兩個人$226, 堂食無加一，環境就一般啦真係食野為主。諗起早排食車仔面兩個人都$210, 呢到性價比都幾高。

以前喺附近返工有食過泰基隆嘅外賣💛 印象都唔錯，午餐係大份夾抵食👍🏼 有晚喺深水埗搵嘢食，經過泰基隆門口聞到好香，所以就帶朋友入去試下😛•🥢 泰式炭燒豬頸肉 $98炭燒味超香，食落口感軟嫩得嚟有啲爽口，加埋個好fresh同埋解膩嘅酸辣汁，非常夾😍 個酸辣汁比平時食開嘅重青檸味，無乜辣味，一件接一件咁食到停唔到😆•🥢 冬蔭大蜆煲 $108冬蔭湯嘅味道略嫌唔夠層次，亦都無乜蜆嘅鮮味，以香茅同酸味為主，連唔太食得辣嘅我都覺得無乜辣味～ 但要讚嘅係大蜆份量真係好多 ，應該有20隻以上，全部無沙，不過唔算好大隻/厚肉～•🥢 泰式蝦膏炒飯 $68炒飯超大份🤣 開頭上碟嘅時候係有個碗型，但好快就塌咗，本身以為係咪個飯炒得太濕，不過一𢳂落去就知原來係炒到好乾身，炒飯粒粒分明，有啲洋蔥、番茄同埋三色豆一齊炒～ 食落有微微蝦膏香，加埋鑊氣嘅微微焦香，整體幾好食😋•🥢 芒果糯米飯 $48芒果無渣，不過唔算好甜，仲帶少少酸味🙈 而糯米飯加熱後夠煙韌，椰汁嘅甜味適中👍🏼•🥢 椰汁冰 $25🥢 珍多冰 $28椰子味極濃郁🥥開頭有少許太甜，但啲冰溶咗啲之後就啱啱好～

泰式金邊粉🍝 $52金邊粉炒得比較濕🥴做唔到煙韌口感不過好彩唔算好油🍾調味方面酸同甜味都唔算好突出🙈帶點兒辣🌶️如果酸同甜味更明顯🍋會更惹味😋配料方面有大量雞肉🐣、豆干、炒蛋🍳、芽菜同蘿蔔乾唔同既配料令口感層次變得豐富😬整體而言，午餐份量足料🫡食完一定夠飽🤰🏻仲送飲品🥤可以揀熱青檸水或者洛神花茶🍷性價比極高雖然係泰國人主理可惜食物質素一般😿唔知其他飯類會唔會出色啲呢🤔

收工遊遊蕩蕩落咗深水埗食泰菜，呢間泰菜好有泰國風味，甜、酸、辣、香味道同份量都相當十足。🥢木瓜沙律香辣爽醒胃又高纖，不失為一道可口前菜。👍🥢炭燒豬頸肉肉質軟嫩富彈性入感一流，份量相當十足。🥢泰國海南雞飯目測已經相當吸引，黃飯有油香卻沒有油膩感，口感香軟好有飯香，海鮮雞我們叫了胸肉，不但不鞋口仲好嫩滑添。👩👦服務整體不錯。

晚餐時間 我同友人一入去 就有個男人勁惡咁叫我哋坐張二人枱 我見嗰位有啲窄 我又攞得多嘢 諗著坐第二張冇咁窄 都冇諗住坐佢張四人枱 佢就勁大聲話：「呢張有人book咗㗎啦，你哋唔好坐！」嗰刻真係勁想走 如果唔係友人想食 我真係直接走差唔多食完嗰陣 諗著慢慢飲埋杯嘢飲 個男人就勁大力dum張單落嚟叫我哋埋單 我嗰下真係比佢嚇親 咁我哋以為係岀面有人排隊 佢想催人走 咁咪快啲埋單走 但岀到去一個人都冇 都冇人排隊 完全唔明做乜要催人走呢一間一定冇下次 會同身邊啲frd講千祈唔好食 啲食物又唔係特別好食

今日心血來潮想食泰式野🇹🇭搵到深水埗呢間泰基隆 人流唔多 外賣等候時間唔耐～叫左個泰式豬頸肉飯食賣相唔差雞蛋煎得剛好 流心送飯正豬頸肉脂肪均勻 咬落油香肉質幾有彈性個飯較軟但唔係稀爛果種最欣賞個泰汁配落豬頸肉真係幾惹味 唔會好咸價錢都抵食 50蚊 奶茶方面：係泰式風味 不過一般整體唔錯 可以再試

呢日我哋一家四口去深水埗食泰菜.原來呢度有卜枱服務.好彩剛剛有一張四人枱.呢度服務態度都算唔錯！你哋下次嚟可以預先打電話嚟預約架！其實我哋都嚟過.上次都無預約.不過知道都好.下次可以提早少少卜枱。今日點餐如下：1. 泰式生蝦 X1 $98元2. 泰式咖喱炒蜆 X1 $138元3. 泰式薄餅 X1 $38元4. 泰式乾炒海鮮粉絲 X1 $88元5. 泰式（豬）濕炒河 X1 $68元6. 泰式炒椰菜苗 X1 $68元7. 泰式蝦膠炸皮蛋 X1 $98元8. 椰汁冰 $25元X3 $75元9. 龍眼冰 X1 $25元🚶🏻‍♂️👉📌泰基隆 (深水埗)深水埗基隆街241號地舖

真心好食，早幾日訂外賣自取，今日拎回青衣都仲熱（自備保溫袋），平時外賣整咁多都有啲會涷，但佢都係夾啱時間比我拎。菠蘿海鮮炒飯啲魷魚未見過咁大粒。樣樣都好好食，特別柚子沙律，好鬼新鮮甜。芒果糯米飯明顯用泰國芒。生菜包以前響其他餐廳，邊會比咁多生菜，真係啱生酮朋友，8佰幾6個人食完抱住個肚，抵食！

#泰基隆 @foodiehck2022一直都冇點食過海南雞，原因之一係真心搵唔到值得推介既店，好食既又唔算平，平既又講唔上好好食，好難符合平靚正要求。今次終於試到依間，幾次行過唔係冇開就係太多人，今日下午點幾先到，店內唔算多人，就試吓依度既海南雞飯得唔得，跟杯熱花茶，$52。結果同預期一樣，都係不過不失。比較大問題係個飯完全唔熱，甚至有點凍😓 不過味道係幾好，都有油飯香。醬當然係泰式醬，都幾大碟，味道都夠惹味。雞肉多數係雞胸加翼，唔算鞋口，本身都有底味，可以接受。跟咗一碗湯，係冬瓜，依碗湯就夠熱啦，正好可以解辣。杯花茶其實冇乜特別，純粹試吓。整體份量都算大碟，飯同雞都夠多，係個飯唔熱就差咗少少。泰基隆深水埗基隆街241號地舖#深水埗 #海南雞飯 #港飲港食平靚正