就是偏偏喜歡你 (已搬遷) 新店位置

銅鑼灣就是偏偏喜歡你，超多打卡花海位置，啱晒啲鍾意又鍾意食又鍾意打卡扮靚既各位靚女。仲有好細隻又好可愛叫做「相相」長耳仔兔仔住喺度，一路打卡一路食仲可以望住「相相」扎扎跳。—香草忌廉煙三文魚意粉—佢嘅擺盤做得好有心思，擺得好靚，有好多碎花，襯返成個餐廳嘅style，裝飾引人入勝。佢嘅煙三文魚都好新鮮，意粉咩都煮得啱啱好，白汁幾入味。—-綠茶紅豆蓉岩石山—-有啲似心太軟嘅一種style，伴碟有好冰凍嘅雪糕，但係成個多士熔岩山有綠茶同埋紅豆喺入面，綠茶呢就已經同嗰啲醬汁交融一齊，兩塊厚多士中間，熱辣辣，又熱又凍，口感好正好特別，係另類做心太軟嘅方法，個人覺得幾有心思，想法亦都好新穎。—-冰藍薄荷梳打—-果然薄荷梳打，真係好重嘅薄荷味，加上梳打嗰種起泡嘅感覺，好清涼同新鮮，鍾意飲薄荷嘅人士就唔可以錯過。—-紅莓汁—-紅莓不嬲係好多人士嘅恩物，含有豐富嘅維他命礦物質，所以係值得一試。值得一題，呢個餐廳真係好多打卡位，食嘢之餘真係要影多啲相，店主就會好有心機幫客人影相添。剛剛好呢就遇上有人生日，店主仲放埋生日歌幫手慶祝呀！