影片
更多
2024-07-01
49 瀏覽
🔸 口水雞刀削麵 $ 62刀削麵一大碗，麵裡有菜遠同埋蔥花，口水雞就另碟上，係斬件嘅雞髀肉，肉質仍然好嫩滑，味道比較辣，亦都好有鹹香雞味。刀削麵係原舊麵粉直接削成麵條飛入滾水烚熟，所以麵質相當紮實 好有嚼勁，刀削麵浸喺湯裏面耐咗都唔會發漲，呢種北方特色麵食值得一試。味道：8/10性價比：7/10🔸 溫泉蛋木耳刀削麵套餐 $ 65套餐係湯麵，另加$10可轉冷或熱伴刀削麵。有12款餸可以揀：鮮牛肉、雞翼、豬耳仔、豬大腸、豬肚絲、牛筋腩、東坡肉、豬軟骨、魚蛋、墨魚丸、雞扒、豬扒。 我就揀咗牛筋腩， 有兩大枚牛筋同一枚牛腩，三大件都炆得超腍， 咸甜適中好惹味，另外放咗好多黑木耳同埋有隻溫泉蛋，可以話餸仲多個麵。味道：7/10性價比：7/10風味小食 👍蒜泥牛𦟌 $6513片薄切牛𦟌，好香牛肉味，薄薄地好易入口，面頭撒咗一片濃濃嘅白蒜泥，樣子好似沙律醬，食落就知蒜頭味好勁，有啲辣口，如果唔食得太辣，其實淨食牛𦟌都好和味喇。😋薑蔥鮮牛肉 $65一大盤牛肉，可能最正係用嚟送酒嘅，啲牛肉好鮮香，滲咗好多蔥花同埋花生米， 牛肉片厚厚地咸咸地，咬落唔會好韌， 一大碟美味嘅靚牛肉，最啱就
刀削麵一大碗，麵裡有菜遠同埋蔥花，口水雞就另碟上，係斬件嘅雞髀肉，肉質仍然好嫩滑，味道比較辣，亦都好有鹹香雞味。刀削麵係原舊麵粉直接削成麵條飛入滾水烚熟，所以麵質相當紮實 好有嚼勁，刀削麵浸喺湯裏面耐咗都唔會發漲，呢種北方特色麵食值得一試。味道：8/10
性價比：7/10
🔸 溫泉蛋木耳刀削麵套餐 $ 65
套餐係湯麵，另加$10可轉冷或熱伴刀削麵。
有12款餸可以揀：鮮牛肉、雞翼、豬耳仔、豬大腸、豬肚絲、牛筋腩、東坡肉、豬軟骨、魚蛋、墨魚丸、雞扒、豬扒。 我就揀咗牛筋腩， 有兩大枚牛筋同一枚牛腩，三大件都炆得超腍， 咸甜適中好惹味，另外放咗好多黑木耳同埋有隻溫泉蛋，可以話餸仲多個麵。
味道：7/10
性價比：7/10
風味小食
👍蒜泥牛𦟌 $65
13片薄切牛𦟌，好香牛肉味，薄薄地好易入口，面頭撒咗一片濃濃嘅白蒜泥，樣子好似沙律醬，食落就知蒜頭味好勁，有啲辣口，如果唔食得太辣，其實淨食牛𦟌都好和味喇。
😋薑蔥鮮牛肉 $65
一大盤牛肉，可能最正係用嚟送酒嘅，啲牛肉好鮮香，滲咗好多蔥花同埋花生米， 牛肉片厚厚地咸咸地，咬落唔會好韌， 一大碟美味嘅靚牛肉，最啱就係我呢啲鍾意食牛肉嘅人，好味！大碟夾底食，讚！👍
😜手工韭菜餃 10隻 / $48
十隻手工餃子係即叫滾熟，餃子肉餡幾多又好味，不過就餃子皮比較厚，係北方包法，厘種餃子可以比較頂肚。
👌包槳小豆腐 $45
十片炸豆腐片，炸出嚟滾熱辣好香孜然味，唔係咸嘅，炸豆腐外蘇裡滑幾惹味。最後兩款小食係試吓店舖近期推廣嘅熱賣精選。
▪️
張貼
