魚吧

營業中

休息中

今日天氣好，兩個人坐喺餐廳裏面嘆午餐，環境好開陽，旁邊游泳池，仲有啲風，真係幾嘆，地方環境贏晒。先來個熱辣辣嘅麵包，夠鬆軟，橄欖油質素都高。之後share左一打Black Pearl 生蠔，隻隻大細差唔多，有輕微嘅海水味，有口感，好新鮮。Main course點左snapper和barramundi，做法都係blackened，魚煮得剛剛好，好Juicy，皮脆，分量OK，Blackened應該係比較spicy，但係完全感受唔到，仲比較鹹，食完之後兩個鐘好口乾。焗薯就冇乜特別，不過薯條炸得好靚，應該起碼炸咗兩次，truffle butter味淡，伴菜就幾豐富，尤其是粟米嘅質素幾好，唔似普通罐頭貨色。服務就開頭都OK，Menu介紹得好詳細，仲講解每種生蠔嘅特性，之後就冇乜特別，淨係買單嘅時候問咗一句「好唔好食啊？」⋯⋯整體幾滿意，但係當然一分錢一分貨啦⋯⋯