影片
更多
2023-05-05
39 瀏覽
方叔叔地道重慶麻辣火鍋@unclefonghotpothk放叔叔在觀塘APM商場內，交通好方便，裝修時尚得來帶少少中國風，座位好寬闊，調味架，醬料，茶壺，就在自己枱面唔需要特登出去拎，而且亦都預備好計時器同埋圍裙，感覺店家好細心。亦都令到成個用餐體驗好方便。所有火鍋配料都可以選擇半份，適合人少少，可以揀多幾樣嘢食。揀咗重慶麻辣湯底，味道好正宗，同我响重慶食過的味道好相似。如果唔係太食得辣，就唔好揀重慶辣啦，佢有一個小辣嘅選擇。另外半邊湯底揀咗豬骨湯，湯底除咗豬骨仲有粟米紅蘿蔔。火鍋配料方面，特別推介：鮮活海蟶同美國桶蠔，鮮活海蟶每一隻都好大隻好飽滿，特別鮮味，而且一份有好多隻。而美國桶蠔又係勁大隻，根據佢提供的參考時間淥，真係淥得啱啱好，唔會過熟，又能夠保持鮮味。不過美國桶蠔半份就得兩隻，喜歡吃蠔應該要叫全份。其他火鍋料我都係叫半份，兩個人食啱啱好。～麻辣牛肉：真係好辣，唔食得辣嘅唔好叫。～美國Prime牛小排：厚薄剛剛好，油花均勻，唔錯。～稻田毛肚：呢個即係我哋叫嘅黑柏葉，特別爽口，而且冇漂白，天然啲，10 秒食得。～手打魚籽蝦滑：爽口彈牙～嫩牛肉：呢個都推介，我自己好喜歡，同麻辣湯
地道重慶麻辣火鍋@unclefonghotpothk
放叔叔在觀塘APM商場內，交通好方便，裝修時尚得來帶少少中國風，座位好寬闊，調味架，醬料，茶壺，就在自己枱面唔需要特登出去拎，而且亦都預備好計時器同埋圍裙，感覺店家好細心。亦都令到成個用餐體驗好方便。
所有火鍋配料都可以選擇半份，適合人少少，可以揀多幾樣嘢食。
揀咗重慶麻辣湯底，味道好正宗，同我响重慶食過的味道好相似。如果唔係太食得辣，就唔好揀重慶辣啦，佢有一個小辣嘅選擇。另外半邊湯底揀咗豬骨湯，湯底除咗豬骨仲有粟米紅蘿蔔。
火鍋配料方面，特別推介：鮮活海蟶同美國桶蠔，鮮活海蟶每一隻都好大隻好飽滿，特別鮮味，而且一份有好多隻。
而美國桶蠔又係勁大隻，根據佢提供的參考時間淥，真係淥得啱啱好，唔會過熟，又能夠保持鮮味。不過美國桶蠔半份就得兩隻，喜歡吃蠔應該要叫全份。
其他火鍋料我都係叫半份，兩個人食啱啱好。
～麻辣牛肉：真係好辣，唔食得辣嘅唔好叫。
～美國Prime牛小排：厚薄剛剛好，油花均勻，唔錯。
～稻田毛肚：呢個即係我哋叫嘅黑柏葉，特別爽口，而且冇漂白，天然啲，10 秒食得。
～手打魚籽蝦滑：爽口彈牙
～嫩牛肉：呢個都推介，我自己好喜歡，同麻辣湯底好襯。
～功夫萵筍片：淨係擺盆已經夠誠意，打卡都靚。
～鮮鴨血：估唔到半分有咁多，差唔多有八件。
～紙西蘭精品羊肉巻：肉嫩滑，不重羊膻味。
餐廳啲餐具都好乾淨企理，最緊要係食完不會口渴，證明個湯底冇咩味精。
#方叔叔 #方叔叔重慶老火鍋 #火鍋 #apm #觀塘美食 #開冷氣打邊爐 #麻辣火鍋 #鮮活海蟶 #美國筒蠔 #牛小排
張貼
