HeySoNuts

營業中

休息中

好少係土瓜灣試新餐廳，今日特別搵左e間，感覺好好，會再去食。食左：紅菜頭藜麥沙律、忌廉雜菌貓耳朵、牛漢堡、焦糖梳乎厘、熱情果冰茶、coffee tonic紅菜頭藜麥沙律坊間少見，大大舊紅菜頭，好甜，加入酸酸甜甜嘅醬汁，令到藜麥唔會食到好‘寡’，中間有少少合桃，令個味道生色不少。份量較大，海量藜麥，有少少飽肚。忌廉雜菌貓耳朵好有菇味，個人鐘意食菇，所以覺得好正，同時亦好creamy, 當然貓耳朵唔係成日食到嘅主食，好新奇好味。將一道好多餐廳都有嘅菜色，轉一轉花款，將味道提升，好耳目一新。牛漢堡夠Juicy, 咬落有肉汁，滿足到咬落好厚肉嘅口感。整體味道好味。焦糖梳乎厘夠鬆軟香甜，配搭大大塊香草牛油，好邪惡。Coffee Tonic一道本人好鍾意，但唔多餐廳有嘅飲品，一見到，即點。好飲，咖啡同Tonic water嘅配搭，真係好特別。整體侍應服務細心，點菜時有提我地甜品製作需時要預早落單。上甜品時亦換晒我地d餐具。