龍城冰室

營業中

休息中

茶餐廳或者冰室, 俾我感覺就係食啲快餐為主, 估唔到呢間冰室, 佢嘅小炒都唔錯喎!今晚就同朋友炒咗兩味, 叫咗個是日嘅晚餐, 碧綠蘆筍炒斑片, 佢仲跟咗白飯, 再配餐湯嘅都係只係69蚊, 另外再答多個時菜炒牛肉添, 我哋專食多啲菜, 營養均衡啲!佢嘅湯都微微辣, 寧舍開胃呀! 蘆筍炒斑片好快就送到啦, 香噴噴呀, 熱辣辣, 蘆筍都幾爽脆, 在有啲雲耳, 夠曬彈牙,佢嘅班片好嫩滑, 大大塊, 送飯一流!另外佢嘅時菜炒牛肉, 牛肉炒到啱啱好, 一啲都唔會靭, 菜心鮮綠色, 份量都唔少, 再加埋啲冬菇, 夠鑊氣！