浮生 (已結業)

和友人一齊放工時間嚟到呢間鋪頭，環境比較舒適，裝潢亦都比較特別，有少少工地風+日式風！早前book咗位，所以一嚟到就已經reserve咗張枱。嘢食份量都幾啱啱好，叫咗個日式嘅壽喜鍋湯烏冬，肥牛份量有6-7片，加上一啲菇，豆腐，雞蛋，湯底比較濃味，烏冬算煙韌有咬口。龍眼蜜檸檬梳打相對較淡，但氣泡都足，同埋乾檸檬片幾特別，有陣特別草本嘅味道。其餘食物都幾用心，食物賣相好好，能夠增加顧客的食慾。定食可以免費加兩款配菜，推薦！