小曼谷泰國美食 (教育路)

營業中

休息中

外賣平台會員優惠真係幾抵！上次堂食已經覺得非常唔錯，今次試外賣，泰式乾炒肉片可（上次堂食好好味，今次外賣冇咁好味，但都合格。）冬陰功湯（2個人叫咗個細嘅，驚喜有2隻好大嘅蝦🍤，其他料就剩係得菇，呢個我覺得有啲失望，喺第二間飲過有啲墨魚仔仲有啲蟹柳，感覺豐富好多，不過後尾自己上網睇吓冬陰功湯嘅資料，發覺原來都係剩係得蝦同菇，咁其實佢應該可能係比較正宗，但如果可以有多少少配料，成個感覺會豐富啲亦都比較高檔啲。😅）泰式炸蝦餅（5件大大件，唔油彈牙又厚肉，好味，下次一定再試。）泰式原味烤酥餅（2件好香脆，有驚喜，下次亦都會再叫。）芒果椰汁沙冰（唔會死甜，有芒果香味，應該有用新鮮芒果。）元朗泰國菜我唔係試過好多間，不過小曼谷整體質素真心唔錯，而且外賣平台會員折咗真係幾抵，今次埋單$215左右，推介，會再試。