黃金小館

營業中

休息中

趁最後一日紅日，去深水埗洗下消費卷先，之後去左黄金小館食點心。食點心，我不嬲都係眼闊肚闊，好開心可以係咁點唔同野食，今次都試左8款點心。百花釀魚肚，魚肚厚身，索哂啲汁，正。月半彎筍尖鮮蝦餃，除左鮮蝦既彈牙，仲有啲筍尖既爽口，口感豐富。XO 醬鮮蝦菜苗餃，煙煙韌韌既皮包左滿滿既饀，脹卜卜，推介呀。春風得意腸，口落去裏面脆卜卜，正。燒賣呢度好多點心都有鮮蝦，上面呢5款我都有😂，鮮蝦好彈牙，啱我feel 呀。鮮竹牛肉球鳳爪百吃不厭雞仔咸水角，好可愛。整體都好好味，見住啲食客好多都同啲店員有講有笑，特別好味，啲店員咁忙又好好禮貌，讚。原來星期一至五有85折，但我今日雖然係星期一但係係紅日，所以無啦折，不過唔緊要，本身都幾抵食。