家嫂一家大小

營業中

休息中

🌸原盅雞燉牙勾翅，原盅燉湯上枱，熱辣辣香噴噴，雞湯味濃郁，湯底鮮甜，仲好足料！大大塊厚身嘅牙勾翅，每啖都食到翅，好滿足🌸海膽酥脆墨魚餅，金黃色嘅墨魚餅好酥脆，上面鋪滿厚厚嘅海膽，份量十足！濃郁嘅海膽，口感好Creamy好香口，都幾惹味呢🌸脆皮軟殼蟹拉腸粉，平時食腸粉就食得多，第一次食軟殼蟹腸粉！腸粉煙靭又滑溜，入面有滿滿嘅脆皮軟殼蟹，真係好酥脆又可口，味道真係幾夾，我幾鍾意食呀🌸雪燕蛋白燉椰皇性價比好高，蛋白燉椰皇上面鋪滿雪燕！椰皇清香，燉蛋白口感都好嫩滑，夠哂養顏補身，女仔嘅恩物🌸家嫂陳醋小籠包，每個小籠包有一支心形嘅膠管插住，陳醋嘅份量啱啱好，好容易就可以將陳醋注滿入去小籠包入面！小籠包皮薄餡靚，連埋陳醋一齊食，唔會過酸，味道啱啱好，好味道！🌸南美麟蝦蘿蔔糕賣相好靚，擺盤都好精緻！蘿蔔糕煎至外型金黃焦香，厚身嘅蘿蔔糕入面餡料好足夠，入面有清甜軟糯嘅蘿蔔絲，同埋好香口嘅南美麟蝦，食落口有驚喜呀🌸陳皮普洱茶，普洱茶回味甘甜，帶有淡淡嘅陳皮香味！餐廳舒適寬敞，啱晒一家大細黎嘆靚茶！整體食物質素高，擺盤同埋賣相都有花心思！