韓點 (紅磡) (已結業)

下午茶時間，行咗去紅磡，諗咗好耐，決定試吓韓點。小店係韓國人開，菜色好地道，老闆好友善，座位唔多但算舒適。唔係好肚餓，所以叫咗兩個小食。一個點點串，一個杯杯雞。兩個都係用秘製醬汁，甜甜辣辣。首先講吓點點串，其實係炸年糕，外脆內軟，加埋醬汁好正。跟住杯杯雞係炸雞，份量都幾多，食落唔會好熱氣，只有韓國人先整到唔熱氣嘅炸雞。兩樣小食都食得飽，價錢唔算貴，加多枝飲品都只係$64, 幾抵食，下次會試埋其他菜色。