錦麗 (創紀之城五期(apm))

營業中

休息中

趁假期來到APM食午餐。之前聽人講話呢間鋪頭特登請左個越南師傅來煮河粉， 又見成日咁多人排隊所以試一試。叫咗一個雜錦牛河加一杯椰青崩大碗。個雜錦牛河有牛丸牛腩同生牛肉，所有牛都好好味。牛丸非常彈牙好有肉味，牛腩好林，牛肉就好滑，總之三款牛都正啦。講到杯飲品，本來想叫薄荷青檸梳打，但係見到有一個椰青崩大碗，自己細個都幾鍾意飲崩大碗，所以膽粗粗試一試。呢個嘢飲你平時嘅崩大碗無咁大浸草青味，而且有一椰青香嘅清甜，如果你係可以受到一啲草青味嘅話可以試一試，感覺好清新。另外仲試左個牛油蒜香雞翼，但係只不過係將揸咗嘅雞翼加上牛油同蒜蓉，冇乜特別嘅味道，呢個餸比較普通。唔好意思，食完先記得影相