泉章居

營業中

休息中

同朋友晚飯敘舊，諗起泉章居客家小菜，三人立刻起行。揀了套餐，點了半隻霸王雞，沙嗲牛肉炒芥蘭及梅菜蒸鯇魚。另外送例湯。霸王雞份量不少，蔥同薑絲份量多，另上沙薑粉同食，雞非常滑，冇得頂。沙嗲牛肉味道上佳，沙嗲味非常濃郁，牛肉份量多，入口香滑，芥蘭亦非常嫩，很不錯。梅菜蒸鯇魚size亦非常大，梅菜落得非常重手，鯇魚蒸得剛剛好，魚肉非常滑，很不俗。埋單400多元。難得係每碟小菜水準非常好，價錢亦算平，老店嘅服務亦改善不少，一定下次再嚟。