四點金飯店

營業中

休息中

非常好味道既中菜，而且非常抵食唔貴，今次黎食嘢試左個新杏汁豬肺湯，真心整得好好味，而且唔係度度有既湯品黎，因為豬肺非常之難洗，唔係好多酒樓可以做到，而且有d地方洗得唔乾淨，就會好難飲，所以佢呢度真係做得好好，一飲落口超級清甜，果d杏汁既味道席捲我既舌頭，而且佢係超級足料，一碗湯裡面有勁多舊豬肺，超級滿足。之後要講主菜，佢個清蒸石班係整得超級鮮味，煮得剛剛好，用料上盛，超級嫩滑既魚肉深哂震撼我既舌尖，而且成條星班俾哂，十分之抵食。之後要講下佢個蠔烙，佢真心放超級多蠔落去，超級正，而且個蛋皮都好脆好香蛋味，d蠔都勁香，一入口勁鮮味，而且份量好夠，兩個人食絕對夠飽。總的來說，我對呢餐十分滿意。