鼎泰豐

營業中

休息中

晚餐時間都幾多人，但都好快可以入座，用餐時間兩個鐘。入面環境好大，但枱同枱之間就隔得比較近。每張枱上都有豉油同埋醋供食客享用，每個人都有一碟薑絲可以點加醋食小籠包。茶水就每位$10。小籠包 $66 6個皮薄，完美咁包著湯汁。我鍾意先咬一小啖，飲曬入邊d湯汁，然後再點醋成個食先係完美食法😁咁樣可以完全品嚐到肉湯味，又可以用醋提升小籠包既鮮味。高湯蒜蓉炒菠菜苗 $74有鑊氣，有蒜蓉香氣，菠菜苗好鮮嫩。但價錢偏貴。蝦仁肉絲蛋炒飯 $95蝦仁食得出係鮮蝦味。肉絲都幾多，味道適中，但都食得出唔少味精。價錢偏貴。油炸排骨（胡椒味） $50一大塊豬排咁，炸得幾軟熟。但味道冇咩特別，食唔出有胡椒味。黃金流沙包 $40 3個熱辣辣上台，放左一陣先食。一meet好多蛋黃流沙爆出來！真係好好食！鼎泰豐係連鎖店，香港都有幾間分店。味道當真不差，就係份量少同埋價錢偏貴。