民華餐廳

營業中

休息中

前排係網上見到有介紹食蕃茄通既地方，超鍾意食蕃茄既我，個list上面既餐廳都幾乎去過晒，而民華餐廳就未去過。民華餐廳係香港共有3間分店，分別係東涌，旺角同柴灣。呢到午餐既選擇唔算多，唔食蒸飯同點心，就只有常餐揀。不過，有別於其他茶餐廳既係呢到既常餐有好多唔同既組合架，大家可以由A, B, C 每項揀一樣野食，A係通粉，B係炒蛋配火腿/腸仔/午餐肉，又或者煎蛋兩隻，C係麵包或者多士。每份餐都跟一杯飲品。今日揀左蕃茄火腿通粉，腸仔煎蛋，多士同埋熱華田。蕃茄火腿通粉顏色鮮艷，賣相好吸引，蕃茄味亦都好香濃，加埋香滑既炒蛋同埋腸仔之後真係格外好味，配埋熱華田，真係一個完美既配搭。可惜本人食量有限，未能試佢既牛油多士，下次可以試下。