品香樓中西風味餐廳

營業中

休息中

喺呢個年代想食碗菜飯唔容易，因為得好少地方有。呢間茶餐廳亦都唔係喺啲咩旺區，只係因為小編有時有野做會去嗰頭先會食。呢度啲卡位比較窄，冬天繁忙時段去食又袋又大褸咁會好辛苦，因為繁忙時段卡位要坐四個人。餐廳都有圓枱，會坐得鬆少少，不過都係預左迫啲。菜飯只做午市，應該係12:00-14:30，而且係呢個時間內賣哂就冇。佢有5個餸嘅選擇，咕嚕肉、椒鹽豬扒同瑞士汁雞髀都係比較受歡迎。$41一份，跟杯野飲。咕嚕肉偏甜，椒鹽豬扒就好油。不過整體黎講味道係唔錯。菜飯就好好食，唔會太油，菜唔會好老。份量都幾大份，一般黎講女仔可能會食唔哂，男仔就應該啱啱好。