哈比斯燒肉串和咖哩 (鴻圖中心)

營業中

休息中

今日去觀塘搵個朋友，佢帶咗我嚟呢度買嘢食返屋企食！估唔到呢個商場入面有咁多細細間嘅餐廳，我哋今日揀咗食印度野。印度野都係重口味，經過佢門口已經聞到食物嘅香味食物選擇都多，而且價錢唔算好貴。套餐就比較抵，不過我想食Kebeb! 放棄咗套餐。牛肉Kebeb一件已經好夠份量，拎上手幾重手㗎！切開入面就見到好足料！滋味嘅牛肉佔咗大半個卷再加埋新鮮嘅蕃茄同埋爽口蔬菜，口感豐富。Kebeb加入左秘製醬汁，味道有少少似芝麻醬沙律醬，同牛肉好夾！下次試吓佢其他食物！