明記海鮮潮州菜館 (天保大廈)

營業中

休息中

兩個人食飯，叫餸真係一個問題，好多嘢想試但係又驚食唔晒，例如好似今晚咁樣，我個friend就想食滷水鵝片，至於我就想食滷水拼盤，不過Menu上面又好似冇咁嘅combination，好彩問一問夥計哥哥，佢即刻話可以滷水拼盤加鵝片，不過個價錢就會比起拼其他嘢貴少少，我哋話冇問題呀，因為滷水鵝片本身就貴啲㗎啦。佢呢個份量唔錯，$208，啱晒兩個人，唔會太多又唔會太少，最緊要係可以一次過滿足晒兩個願望。韭菜豬紅都唔錯，少少辣幾好味。呢度嘅炸鮮奶有驚喜，雖然佢個皮就厚咗少少，不過入面嘅鮮奶又香又滑。