燒洒一族 (啟田商場) (已結業)

啟田街市翻新之後，都比較少去，今日有朋友黎到，大家都鍾意食燒味，佢地推介依個西式燒味店，就係個到買左黎試下。平時係屋企都好難整到好味嘅燒春雞，所以比較少食，買嘅時候見到燒雞一隻隻放係到就好想食。香草法式燒春雞非常香，同係燒烤燒嘅味好似，食落外皮好香脆，肉質軟嫩同多汁。除左燒雞，燒豬肋骨都一定要叫下黎食，都係屋企比較少整。係豬肋骨嘅表面有好多甜甜嘅醬，係排骨同豬肉都有，非常入味。食豬肋骨最重要係啃骨，豬肉都好軟嫩同多汁，非常滋味。今次係第一次食酒醉雞軟骨，食落酒香味好濃，雞軟骨都好爽口，非常好味。平時都好鍾意食薰蹄，食落啖啖都係肉，佢嘅薰蹄肥瘦適中，厚度都係啱啱好，可以一啖就食落肚，食落唔會太膩。蜜糖黑椒煙鴨胸食落鮮嫩多汁，有鴨胸嘅油香，同蜜糖黑椒汁幾夾。