泰然 (順利商場)

營業中

休息中

本來以為順利邨無乜好食嘅餐廳，點知最近發現咗呢間叫泰然嘅泰國菜，真係有驚喜！最值得推薦嘅係豬手煲，佢竟然係無骨版，肉質鮮嫩，啲汁入晒味，食起嚟超滿足，完全唔油膩，感覺食幾多都唔夠。呢碟豬手真係令我印象深刻，絕對係返嚟嘅理由之一。炒金邊粉亦唔錯，粉條炒得剛剛好，乾身唔黐底，調味清香，有濃濃嘅泰式風味，好似真係去咗泰國街頭咁，味道仲幾夠鑊氣。最後係咖哩麵包軟殼蟹，冇蟹殼食起嚟方便，咖哩汁香濃，唔會太辣，配埋麵包一齊食，外脆內軟，係幾match嘅。整體嚟講，呢間真係超出預期，無論係豬手定其他菜式都幾有水準，值得專程過嚟試試！