Milu Thai มิลู่ไทย (百樂中心)

營業中

休息中

天氣開始熱，就想食D酸酸辣辣嘅野食，記起銅鑼灣都有Milu Thai，之前食過尖沙咀分店唔錯，由泰國廚師🧑‍🍳主理。🥗柚子鮮蝦沙律柚子飽滿多汁，蝦肉彈牙，醬汁酸酸甜甜好開胃。🍖火山排骨幾件排骨搭高成座火山咁🌋，排骨肉質軟腍唔鞋身，重點要加埋個辣汁，青綠色醬汁充滿蒜頭🧄、芫荽、辣椒🌶️，又香又辣好惹味，絕對係食肉獸必點。🔥火焰燒雞隻雞🐔企定定上枱後會點火🔥，火焰燒烤雞皮特別香，打完咭📸，店員就攞返入廚房斬件，雞皮薄脆，雞肉嫩滑，本身跟左酸甜醬，不過蘸個火山辣汁都好夾😆。🥬蒜蓉炒椰菜苗椰菜苗本身清脆爽口，帶有淡淡甘甜味，蒜蓉炒增添香味。🍋‍🟩青檸梳打🥤龍眼冰冰凍又大杯，解渴消暑一流。🥭芒果糯米飯必點泰國經典甜品，芒果香甜搭配微暖椰汁糯米飯，個糯米飯仲係心形㗎，甜蜜收尾❤️鍾意食泰菜，必訪Milu Thai 🇹🇭