小曼谷泰國美食 (南角道)

營業中

休息中

同朋友👧一齊喺九龍城，呢日佢👧話要發揮傳統思想🤣：喺九龍城就食泰國菜🇹🇭！我哋喺宋王臺站附近，見到呢間，去過佢其他分店，幾好味，於是就決定喺度開餐😆$118「豬肉碎生菜包」：豬肉碎要咗小辣已經好惹味，見到仲落咗紅蔥頭、洋蔥、芫荽，所以咁香口🤩；生菜就新鮮爽脆😋，用嚟包住豬肉碎一齊食，一個味清一個味濃，幾夾🤩$118「泰式咸肉炒椰菜苗」：椰菜苗幾新鮮，幾爽脆😋；鹹肉就當然有鹹香啦，一齊炒，互相發揮，幾好😆$122「招牌海南雞半隻」：海南雞🐓皮黃肉白幾好雞味🤩，不同部位有不同口感，仲有一碟秘製醬汁，要嚟沾雞食好惹味😋