叙苑粉麵茶餐廳

營業中

休息中

慈雲山美食多，茶餐廳數目更是多到梗有一間係左近，當中最得我地歡心就係叙苑，我地最鍾意就係食佢個早餐/茶餐- - -沙嗲牛肉通或沙嗲牛肉出前一丁！我雖然唔係太鍾意茶餐廳嘅牛肉，因為茶餐廳啲牛肉好多時都落咗鬆肉粉，但我鍾意個沙嗲牛肉湯底，好多時都會叫沙嗲牛肉通，牛肉就會食剩晒。但係叙苑嘅沙嗲牛肉係唔同，食得出佢冇落鬆肉粉，又唔韌都幾好味。個沙嗲湯底仲好香！今朝又同老公去食早餐，一人叫一個沙嗲牛肉餐，沙嗲牛肉通+餐肉煎蛋+麵包+凍奶茶，超滿足！我哋成日講笑，如果有一日要離開香港住，我最唔捨得嘅一定係茶餐廳嘅美食。