茜廊餐廳 (德福廣場1期)

營業中

休息中

好耐無來德福，突然想食西餐就入左茜廊餐廳食。環境尚可唔算迫，侍應服務都ok。望住餐牌揀左一陣，都係忍唔住叫左葡國炸乳豬伴田園沙律個餐食，我最愛的乳豬，諗起都興奮😍😍。餐湯同餐飽好快就來左，麵包焗到好脆，蘿宋湯就味道剛剛好夠哂足料👍🏼。前菜仲有個香芒有機沙律，本人就唔係咁鍾意千島醬，如果可以選換黑醋就好Lu 😏，不過好在芒果夠清甜，所以都清哂碟沙律。等左一陣主菜終於登場，望住乳豬仔燒得咁靚已經忍唔住流哂口水😍😍。食落去都不得了，好味、有肉汁、夠滑、加上份量適中唔會太膩😋😋。美中不足係伴菜太多醬，食幾啖已經太膩唔想食。好在臨尾來左個燉蛋，好滑好好味，如果份量可以再大啲就仲好了。食哂成份餐埋單百五蚊有找都算底食，下次會來試下個和牛先^_^。