海鮮島海鮮酒家

營業中

休息中

今日有得去遊船河， 船家駛咗去清水灣。玩到五點幾，就去布袋澳食埋個海鮮餐先返屋企。落船喺碼頭就見到兩間酒家，咁我哋就揀咗近呢間嘅海鮮島。九個大人五個細路， 唔使諗，叫返最standard 嘅海皇宴。先上白灼蝦，隻隻蝦嘅size都好大隻，食落鮮甜，蝦高有膏。魚翁蜆湯， 湯入面有好多隻蜆蜆亦都好大隻湯底夠熱又鮮甜。金沙椒鹽鮮魷， 金莎似乎唔夠，不過好食。芝士龍蝦伊麵，照例啲伊麵嘅銷情好過龍蝦。薑蔥焗蟹，隻蟹啲膏多到不得了，反而蟹，唔夠入味。金蒜銀絲蒸扇貝， 同龍蝦伊麵一樣，啲粉絲食曬，都仲有元貝未食。 不過元貝蒸得老咗少少。仲有雞同魚，不過已經唔識commen，t因為已經飽到食唔到。揚州炒飯，都好足料了，不過size係正常嘅兩至三倍。後加咗兩個蔬菜，不過就比較遜色了。 可能啲菜唔靚。埋單大概四千蚊到，個個都捧住個肚腩走，超讚。