金記冰室 (創紀之城五期(apm)) (已結業)

今日喺apm行街見到金記冰室，記得佢入面係有好多港式懷舊食品就走入去食吓。叫咗美式什扒鐵板餐配燒汁跟意粉，個雜扒有煙肉、腸仔、牛扒、雞扒同埋豬扒，三塊扒都好大塊而且好入味，燒汁倒落鐵板上亦都咋咋聲好有氣氛。另外叫咗羅宋湯同埋老火靚湯，兩個湯都好入味，羅宋湯超多蔬菜料係入面，老火湯就飲得出燉咗好耐。牛油煉奶多士同埋雪山菠蘿冰就好有懷舊嘅味道，菠蘿冰上面加上雪山雪糕係小朋友至愛，牛油煉奶多士就好香濃牛油味加埋煉奶，大小朋友都鍾意食。另外叫咗菜膽雞半隻，隻雞可能係走地雞嘅關係，完全唔肥同埋肉質又嫩，鍾意食雞嘅朋友一定喜歡。