影片
更多
2023-10-12
56 瀏覽
位於灣仔（銅鑼灣站會近啲）嘅居酒屋，由香港師傅主理串燒，而日藉師傅就主理其他特色菜色。整體環境同氣氛都幾舒適，如果你拎得多野，仲會貼心幫你放入櫃。店員會為你推介當日時令食材。我地4個人黎都試左20幾款菜式，推介一下部分我特別鐘意嘅比大家。🔸關東大根天婦羅天婦羅成日食，但呢個大根天婦羅個種外脆內裡勁多汁，真係好出色，可配上抹茶鹽。🔸燻製帆立貝 先後以蘋果木同備長炭燻製，加上紫菜碎香氣十足。帆立貝亦非常鮮甜彈牙。🔸日本鬼爪螺 唔係成日有，粒粒都鮮甜多汁。可配上3種銀雪魚豉油/柚子醋/味噌醋，第一款最惹味。🔸柚子鹿兒島豚肉豚肉柔嫩多汁，配上柚子醋汁同蔥，減膩又開胃。🔸A4和牛刺身選用優質A4等級和牛，切成薄片。顏色粉紅，雪花紋理清晰，分佈均勻。牛脂味甘香，濃而不膩。可配上豉油或韓式辣醬似嘅秘製醬汁。🔸櫻花蝦紫薯豆腐以口感較清新嘅紫薯豆腐為基底，搭配鹹香櫻花蝦，味道配搭不錯。🔸雞內臟有多種雞內臟菜式，包括雞心元、雞腸、雞胃和提燈等。最特別一定係提燈，結合雞卵巢同未成熟雞蛋。口感煙煙韌韌，蛋黃香極濃。🔸雞皮紫蘇葉虎蝦以雞皮包住虎蝦，中間加上紫蘇葉，口感酥脆多汁，亦滲著紫蘇葉香氣。其他菜式包括：芝
整體環境同氣氛都幾舒適，如果你拎得多野，仲會貼心幫你放入櫃。
店員會為你推介當日時令食材。我地4個人黎都試左20幾款菜式，推介一下部分我特別鐘意嘅比大家。
🔸關東大根天婦羅
天婦羅成日食，但呢個大根天婦羅個種外脆內裡勁多汁，真係好出色，可配上抹茶鹽。
🔸燻製帆立貝
先後以蘋果木同備長炭燻製，加上紫菜碎香氣十足。帆立貝亦非常鮮甜彈牙。
🔸日本鬼爪螺
唔係成日有，粒粒都鮮甜多汁。可配上3種銀雪魚豉油/柚子醋/味噌醋，第一款最惹味。
🔸柚子鹿兒島豚肉
豚肉柔嫩多汁，配上柚子醋汁同蔥，減膩又開胃。
🔸A4和牛刺身
選用優質A4等級和牛，切成薄片。顏色粉紅，雪花紋理清晰，分佈均勻。牛脂味甘香，濃而不膩。可配上豉油或韓式辣醬似嘅秘製醬汁。
🔸櫻花蝦紫薯豆腐
以口感較清新嘅紫薯豆腐為基底，搭配鹹香櫻花蝦，味道配搭不錯。
🔸雞內臟
有多種雞內臟菜式，包括雞心元、雞腸、雞胃和提燈等。最特別一定係提燈，結合雞卵巢同未成熟雞蛋。口感煙煙韌韌，蛋黃香極濃。
🔸雞皮紫蘇葉虎蝦
以雞皮包住虎蝦，中間加上紫蘇葉，口感酥脆多汁，亦滲著紫蘇葉香氣。
其他菜式包括：
芝士蟹蓋配紅菜頭薯蓉 /田樂茄子/雞脾肉/銀皮/煙燻鵪鶉蛋/羊架/熟成牛舌串/粟米/銀杏/大蔥/鴨油枝豆/鹽燒鰻魚
張貼
