N+ BURGER

聽聞啟德體育園零售館，有好多食肆(好似大大少少大約60+間)，今次第一間就試N+ burger，佢係全自助點餐系統超方便，當然亦都有人手點餐。我叫咗一個經典漢堡套餐，要咗薯角，飲凍黑啡。 等咗一陣先拎到餐，先試薯角，外脆內軟配埋個甜芥末醬，好味👍🏻，到個漢堡，一大啖咬落去，肉味夠，塊菜真係脆架，洋蔥少少辣，蕃茄唔會軟淋淋，讚！個凍黑啡，正常發揮。依間漢堡，我家小朋友直接叫好！戴返頭盔先，我覺得好唔好食≠你覺得好唔好食，好唔好食因人而異。