N+ BURGER

原本都有聽過下呢間漢堡包店,係堅尼地城有海邊分店,成日有人話好靚超chill.見佢啟德有開,仲要每星期如果有演唱會就會延長營業時間.同埋佢好識做甘會播返演唱會明星ge歌,令你睇完仲有演唱會氣氛甘岩去睇完演唱會,呢間開到24:00,所以入左去食.因為佢夜晚21:00定22:00(唔係好記得),有宵夜時段,只買3款漢堡,其他包同小食都冇得買,只有著條可以揀,包埋杯野飲(約$108?!),唔太記得..我地叫左王牌漢堡..漢堡排好有牛味~~價位對得住個漢堡包..整體ok…查看更多

今日喺啟德出席孕婦媽媽嘅講座之後，真係好想嚟一餐cheat meal 🍔🍔🍔而呢一間餐廳亦都係近期熱門，咁就有埋藉口試一試啦！🍔經典牛肉漢堡套餐用上咗澳洲自家農場嘅牛肉，食落去嘅肉味香濃，而且唔會有肥膩油脂嘅感覺！！！配菜比得好足，醬汁又唔會過量～🍔特級松露醬牛前楠漢堡如果同經典牛肉漢堡做個比較，呢款就會比較再Juicy一啲，中間夾配嘅蘑菇應記一功！！另外真係好鍾意佢選用酸種麵包作為包皮！！不過食嘅時候真係小心啲，因為餡料確實係太澎湃啦，松露醬亦都特別出色。🍔火焰烤雞漢堡掙扎咗好耐，因為脆雞都好吸引～不過最後都冇後悔揀咗烤雞作為選擇，雞肉好嫩又有一定厚度，搭配烤過嘅香甜菠蘿，好食！🍟基本上加$40就有一杯汽水以及小食，鍾意薯條嘅厚度、又鍾意薯角嗰種香脆口感、而番薯條自帶嘅香甜同樣滋香。最最最推介係佢嘅自家製Lemonade，真係有一絲絲嘅檸檬肉，夠酸夠爽。…查看更多

🍔香港首間自家牧場安格斯牛肉漢堡店！N+ BURGER必試松露漢堡✈️ ⭐️按「更多」睇詳細食評😋懶惰兩人組今次飛到啟德，試試香港首間擁有澳洲自家牧場的漢堡店 N+ BURGER！主打全天然安格斯牛肉配酸種麵包漢堡，牛肉來自新南威爾士州130,000公頃牧草地，無生長激素，清真認證，健康又安心！✨ 新店仲有飛機主題設計，滿滿啟德機場情懷～一於同大家分享有咩好食！1️⃣ 經典漢堡焦糖洋葱甜中帶香，配上安格斯牛肉，惹味又Juicy！啖啖滋味，鍾意濃味的朋友要試試！2️⃣ 爆脆爆脆雞漢堡雞肉炸得香脆，但略為過火，稍為影響口感。不過配菜新鮮，沙律菜爽脆，整體味道仍然唔錯！3️⃣ 薯條 & 番薯條粗薯條外脆內軟，調味適中，係漢堡好拍檔！番薯條甜度高，懶惰虎覺得一般，鍾意甜味的朋友可能會中意！🍟4️⃣ 飲品 & 環境飲品選擇有汽水同自家製飲品，唔算特別但夠解渴。餐廳設計以飛機cabin為主題，點餐counter好似登機櫃檯，仲有飛機烙印漢堡包，超有特色！✈️🌟🌟 🌟🌟 🌟🌟 🌟🌟 🌟🌟❤️飛機主題餐廳，環境好有特色，啱打卡💚安格斯牛肉質素高，松露漢堡同日式芥末醬必試💛價錢偏貴，單人餐約$100，略為高於預期Rating：懶惰鼠 😻😻😻 + 0.5懶惰虎 😻😻😻📍 N+ BURGER九龍城啟德承啟道38-39號啟德體育園啟德零售館2 1樓M2-102號舖⏰ 營業時間：星期一至日 11:00 - 22:00          …查看更多

—10點幾啟德睇完show 有d肚餓場館內嘅食肆會延長開放感覺好耐冇喺街食宵夜 好彩早入嚟 等嘢食嗰陣已經好多人🍔Burger /🍟Fries/🍋Sparkling lemonade當晚有三個套餐可以揀新鮮整起熱辣辣食 份外滋味記得杯lemonade唔錯 清爽解渴下次可以嚟試下其他burger—————————————————————N+ BURGER九龍城啟德承啟道38-39號啟德零售館2 1樓M2-102號舖…查看更多

經過睇到門口餐牌見到漢堡包好吸引買左兩個招牌漢堡包返到屋企打開 嘩左一聲大個足料經典芝士煙肉牛漢堡味道：牛味合格煎得好香煙肉🥓cheese 絕配青瓜番茄份量算多爆脆爆脆漢堡雞扒勁厚身返到屋企食依然係脆 加分啊總體來講好食…查看更多

依間漢堡包店有幾間分店，今次就黎到啟德行街順便去試下佢地嘅漢堡包，入到去環境係有啲機場元素係裏面，空間夠大有好多位，座位都坐得舒服👉🏻 特級松露醬牛前腩漢堡🍔麵包用左bakehouse嘅酸種麵包，食落好鬆軟，仲印有N+字樣，牛前腩肉質細嫩，多肉汁肉香味突出🙌🏻🙌🏻，一啖咬落去松露味超香濃，即刻充滿曬成個口腔🤤，加埋裏面有啲炒菇，啲餡料一齊食成個包即刻昇華曬👉🏻脆雞柳🍗表面薄薄一層粉漿吾會過厚🙂‍↕️，炸得個火候啱啱好，雞肉肉質仲好滑吾柴身💯👉🏻薯條🥔炸得夠乾身吾油膩，而且都好脆口👉🏻自家製有氣檸檬水飲落好健康，夏天飲佢好解渴，酸酸甜甜只要叫佢地任何一個漢堡包🍔都可以加💰$40💰升級做套餐有可樂🥤同薯條🥔…查看更多

曾聽過港島有間N+Burger水準唔錯，原來佢哋喺啓德開咗間分店，路過正好一試。點咗佢哋嘅$68 classics original漢堡包，加多四十蚊轉combo配炸薯角同homemade lemonade（16 oz），即係$108埋單。呢間鋪標榜佢哋嘅牛肉來自澳洲自家牧場，係草飼安格斯牛。落單後等咗五、六分鐘就有嘢食。個burger賣相好工整靚仔，蔬菜牛肉同麵包比例好好，食落啲牛肉真係幾juicy，據報由Bakehouse供貨嘅麵包亦軟硬適中有口感，nice。炸薯角亦有水準，夠香脆，特別欣賞佢哋調配嘅honey mustard，用嚟dip炸薯角食好夾。至於嗰杯lemonade酸度夠，味道有驚喜，仲睇到啲檸檬絲，冇揸流攤。睇番google map呢間漢堡店全港有四間分店，價錢同感覺似Shake Shack同Five Guys，但質素真係贏晒兩間美國連鎖店囉。…查看更多

因为晚上的你是我的骄傲演唱会，店里进了很多fans，包括我和我朋友，然后很神奇，店里的背景音乐突然就转成了刘先生的歌我本来一直说好饱好饱吃不下了，音乐想起的瞬间，胃口突然大好🤣老板太会了，必须5⭐好评…查看更多

之前去啟德體育館睇排球🏐放break 睇下場時，大大細細嘅餐廳都坐滿人。好彩地經過N+ burger難得見到人剛走即衝去坐低先😀留意到原來這間burger 係採用澳洲無激素牛肉👍餐廳全自助式購票後再自己取餐食飽後亦要自行清理經典漢堡🍔漢堡非常厚身，肉汁非常juicy重肉味。 包包軟熟配埋新鮮生菜酸瓜番茄芝士有別一番風味。下次要再試埋其他款式。炸粗薯條🍟 夠熱夠脆，咸味適中，配埋芥末醬食不停口。雞柳小食炸得外脆內軟，雞柳嫩滑啖啖肉岩曬小朋友口味…查看更多

🍔 啟德篇・返尋味系列｜呢間漢堡真係有料到！今日同老婆行到啟德，無意中撞入咗呢間裝修夠chill嘅 N+ Burger，估唔到真係好食到會記住個味！💥最驚喜係個醬汁——經典漢堡個 N+ Au Jus 醬，鹹香中帶牛味，配埋酸瓜、芝士、生菜、嫩牛肉，一啖已經認住幾時返嚟食😭！🍟 配菜方面兩款都正，Wedge Cut 脆香又厚身，Crispy Fries 夠爽口冇渣感；老婆嗰杯升級版 22oz 有汽檸檬水清爽解膩，連我嗰杯冰牛奶咖啡都飲出驚喜，香滑冇雪味，回甘夠香！📋 餐廳資料：📍 N+ Burger（啟德店）📅 日期：2025年7月1日💰 總消費：HKD $262📌 地址：九龍城啟德承啟道38–39號啟德體育園啟德零售館2 1樓M2-102號舖🍽️ 餐點內容：1️⃣ N+ 經典漢堡套餐（$118）　・主食：經典漢堡（N+ Classics Original）　・配菜：脆薯角（Wedge Cut）　・飲品：冰牛奶咖啡（Latte Iced）　➡️ 牛味香濃、酸瓜解膩，配上惹味牛肉醬汁，一啖就知唔平凡！2️⃣ 松露牛胸漢堡套餐（$144）　・主食：松露牛胸漢堡（Premium Truffle Brisket）　・配菜：脆薯條（Crispy Fries）　・飲品：有汽檸檬水（升級至 22oz 無冰）　➡️ 松露醬夠香，牛胸肉軟腍入味，配埋沙律菜好解膩，真心高質！❤️ 情侶位推薦指數：🌟🌟🌟🌟🌟坐位闊落舒服，打卡一流，靜靜地約會食漢堡都可以好甜 💑…查看更多

之前在坚尼地城闲逛时一直苦于没有可以满意的餐食店。但是最近突然发现了一家面朝大海，餐食品质也很棒的汉堡店。店面装潢的清新宽敞，上下两层。沿窗而坐，海景一览无余，非常chill 。✔️😃特级松露酱牛前腩汉堡 : 冲着“松露+牛前腩”的猎奇组合探店！汉堡胚极其绵软，愿意空口吃的好吃的程度。肉饼厚切2cm，咬下瞬间汁水狂飙——牛前腩粗绞肉筋膜感明显，菌菇 earthy 味混合奶香，灵魂黑松露酱浓稠带颗粒，加上双倍芝士，整个大脑只充斥两个字 满足 ！！！99元/只➕35元加料 小贵，但香港这物价生活久了，居然还觉得也就稀松平常了，肉食控必冲 。✔️😃薯角:完全超出预期的小食，外壳薄而酥脆，里面一颗颗土豆得口感真的惊到我，绵软又具有空气感。搭配蜜糖芥末酱，真的太适合佐餐。完全是我目前吃过最优秀的薯角 ！✔️😃 脆鸡柳 :减脂达人友好单品，去除油炸轻薄的外壳，里面就是健康又很适合解馋的鸡肉，越嚼越有味道。✔️😃咖啡牛奶:据介绍，他们家豆子都很不错。嗜甜星人随手选了一款咖啡牛奶，搭配餐食既解渴又解腻。…查看更多

啟德零售館呢邊嘅餐廳真係好多選擇，終於唔使捱麥記。呢間burger的賣點係佢哋嘅牛肉全部係嚟自澳洲自家飼養牧場嘅， 比較之下我會鍾意呢間多過S字頭漢堡包店，因為食完S字頭漢堡包有時會感覺好滯。經典漢堡🍔第一次嚟食一定係食招牌漢堡， 最能夠反映牛肉嘅質素。漢堡夠厚夠JUICY 有濃厚嘅肉味，麵包舊鬆軟具回彈性，配料有蕃茄，酸青瓜，生菜同洋蔥， 材料非常新鮮。🥬脆薯角 ＆ 脆番薯條薯條記得搭配蜜糖芥末醬🍯，味道真係好夾。番薯條比較少食，整得比薯條更脆口，蕃薯味同甜度做得恰到好處，要俾個叻有汽檸檬水🍋想健康啲，可以叫呢個自家製有氣檸檬水，酸酸甜甜減輕油膩感 📍N+ BURGER (Kai Tak)九龍城啟德承啟道38-39號啟德體育園啟德零售館2, 1樓M2-102號…查看更多

【九龍城區】【N+BURGER】之前喺啟德做嘢，咁梗係去吓啟德零售館食嘢，扮晒潮流尖端吖嘛。不過我嗰幾日都冇乜胃口，正正經經嘅話淨係食咗呢餐。既然得呢個機會，我又唔想求其食，見到好多集團式經營嘅餐廳我都冇入去。之後見到呢間食漢堡包嘅，好似唔係好多分店，就佢啦。諗咗好耐，最後都係食 $68 嘅「經典漢堡」，呢啲始終都係餐廳嘅撚手嘢，我估穩陣掛。咁呢個包就標榜有澳洲高級安格斯，配埋澳洲芝士酸種麵包、蕃茄、酸青瓜、嫩生菜、洋蔥，加上秘製牛骨醬整出嚟嘅。我食落就覺得好一般，唔係形容得咁好食囉。咁我有加 $40 轉套餐，有埋「脆薯條」，仲加 $5 要埋「香草蛋黃醬」，個醬都係麻麻哋，冇想像中咁好食，早知唔加錢，點茄汁就算。個餐有包嘢飲，不過我都係加 $10 轉飲「牛奶咖啡」，嗰幾日冇乜瞓，提吓神，又幾好飲喎。埋單 $123，冇乜機會再食。。。（地址：啟德承啟道38-39號啟德體育園啟德零售館2 1樓M2-102號舖）…查看更多

N+ BURGER📍 九龍城啟德承啟道38-39號啟德體育園啟德零售館2 1樓M2-102號舖┄┅┄┅┄┅┄┅┄┅┄┅┄┅┄┅┄餐廳喺正啟德演唱會場館對面 好方便而且入面都有好多位 大部份時間需要等位🫡▫️ 經典煙肉芝士漢堡($78)漢堡包超足料 漢堡好有厚度👍🏼麵包夠鬆軟 撳落去仲識回彈🤣漢堡牛肉味重 略嫌有少少乾 但其他配料夠juicy 整體感覺balance翻加$40可以配薯條+飲品粗薯條炸得幾脆口 特別推薦蜜糖芥末醬🍯┄┅┄┅┄┅┄┅┄┅┄┅┄┅┄┅┄…查看更多

平平無奇的漢堡包早幾日去啟德同小朋友玩完playhouse，行過見到呢間漢堡包店，便進去試試。店裡燈光頗亮，牆上貼了些食物的相片，裝修風格有少少似飛機內。叫了一個迷你經典漢堡兒童餐$55，套餐包括薯角同一包果汁，另外再嗌咗一個迷你爆脆雞堡$40，可以自助購買。兩個迷你漢堡約有大人手掌心size大小，脆雞堡只食到外皮脆，本身冇乜肉味，肉質又唔嫩滑。但小朋友就話經典漢堡幾好味，我自己咬咗一啖覺得好普通😅而薯角就炸得好熱好脆，配搭埋個蜂蜜芥末醬，幾好味。吃到一半，已經開始覺得乏味。漢堡包就像它的外表一樣，看似應有盡有，實則冇咩特別。每一樣材料都在那裡，卻都缺乏靈魂。它不會讓你覺得難吃，但也絕不會讓你記得。唔知正常size嘅漢堡包會唔會好食啲，但係迷你size呢一款我就唔會再叫。…查看更多