影片
更多
2025-05-08
0 瀏覽
【九龍城區】【N+BURGER】之前喺啟德做嘢，咁梗係去吓啟德零售館食嘢，扮晒潮流尖端吖嘛。不過我嗰幾日都冇乜胃口，正正經經嘅話淨係食咗呢餐。既然得呢個機會，我又唔想求其食，見到好多集團式經營嘅餐廳我都冇入去。之後見到呢間食漢堡包嘅，好似唔係好多分店，就佢啦。諗咗好耐，最後都係食 $68 嘅「經典漢堡」，呢啲始終都係餐廳嘅撚手嘢，我估穩陣掛。咁呢個包就標榜有澳洲高級安格斯，配埋澳洲芝士酸種麵包、蕃茄、酸青瓜、嫩生菜、洋蔥，加上秘製牛骨醬整出嚟嘅。我食落就覺得好一般，唔係形容得咁好食囉。咁我有加 $40 轉套餐，有埋「脆薯條」，仲加 $5 要埋「香草蛋黃醬」，個醬都係麻麻哋，冇想像中咁好食，早知唔加錢，點茄汁就算。個餐有包嘢飲，不過我都係加 $10 轉飲「牛奶咖啡」，嗰幾日冇乜瞓，提吓神，又幾好飲喎。埋單 $123，冇乜機會再食。。。（地址：啟德承啟道38-39號啟德體育園啟德零售館2 1樓M2-102號舖）
諗咗好耐，最後都係食 $68 嘅「經典漢堡」，呢啲始終都係餐廳嘅撚手嘢，我估穩陣掛。咁呢個包就標榜有澳洲高級安格斯，配埋澳洲芝士酸種麵包、蕃茄、酸青瓜、嫩生菜、洋蔥，加上秘製牛骨醬整出嚟嘅。我食落就覺得好一般，唔係形容得咁好食囉。
咁我有加 $40 轉套餐，有埋「脆薯條」，仲加 $5 要埋「香草蛋黃醬」，個醬都係麻麻哋，冇想像中咁好食，早知唔加錢，點茄汁就算。個餐有包嘢飲，不過我都係加 $10 轉飲「牛奶咖啡」，嗰幾日冇乜瞓，提吓神，又幾好飲喎。埋單 $123，冇乜機會再食。。。
（地址：啟德承啟道38-39號啟德體育園啟德零售館2 1樓M2-102號舖）
張貼
