影片
更多
2022-12-11
103 瀏覽
樂富廣場新開咗間餐廳，門面裝修簡約，但就係呢種簡約嘅精緻吸引咗我入去食！入到去坐低亦都坐得好舒服，望住幅山水壁畫會有種以為自己去咗日本嘅感覺。肚餓到不堪嘅老公同我，嗌咗一份三重吉列定食、比目魚柚庵燒御膳、牡蠣餃子、七味墨魚咀，再一人一個嘢飲🤭分別係水果茶王同埋西柚玫瑰花果茶☺️比目魚柚庵燒御膳黎到嘅時候我地都嚇一跳，雖然餐牌上高嘅相係有好多碟唔同嘅前菜煮物，但估唔到每小碟嘅份量都好足，主菜嘅比目魚亦都好大份🤣大份還大份，每一款汁煮小物、醃菜、涼菜、溫泉蛋、麵豉湯，全部都恰到好處！比目魚充滿魚脂油香味，食落仲有淡淡嘅柚子香，令到魚油香濃之餘又唔會太膩口，不知不覺間就食晒成碗飯🥹唔小心已飽咗😂三重吉列定食會配另一款涼拌核桃魚仔，另外要大讚嘅係會俾個磨砵你自己生磨芝麻，磨完再添加豬扒汁，係用黎點吉列豬扒用，即磨嘅芝麻香氣四溢，而且濃稀可以自己控制，自己配搭。除咗豬扒，講明三重吉列，仲有吉列大蝦同吉列蠔！以呢個價錢黎講，隻蝦咁大隻真係完勝，而隻蠔都好鮮甜，好好食☺️其實食完呢兩個set都飽咗9成🤣都覺得自己會食唔晒牡蠣餃子同七味墨魚咀，但係呢兩樣嘢都比想像中再出色啲！牡蠣餃子係店家自製，超濃郁嘅蠔
肚餓到不堪嘅老公同我，嗌咗一份三重吉列定食、比目魚柚庵燒御膳、牡蠣餃子、七味墨魚咀，再一人一個嘢飲🤭分別係水果茶王同埋西柚玫瑰花果茶☺️
比目魚柚庵燒御膳黎到嘅時候我地都嚇一跳，雖然餐牌上高嘅相係有好多碟唔同嘅前菜煮物，但估唔到每小碟嘅份量都好足，主菜嘅比目魚亦都好大份🤣大份還大份，每一款汁煮小物、醃菜、涼菜、溫泉蛋、麵豉湯，全部都恰到好處！比目魚充滿魚脂油香味，食落仲有淡淡嘅柚子香，令到魚油香濃之餘又唔會太膩口，不知不覺間就食晒成碗飯🥹唔小心已飽咗😂
三重吉列定食會配另一款涼拌核桃魚仔，另外要大讚嘅係會俾個磨砵你自己生磨芝麻，磨完再添加豬扒汁，係用黎點吉列豬扒用，即磨嘅芝麻香氣四溢，而且濃稀可以自己控制，自己配搭。除咗豬扒，講明三重吉列，仲有吉列大蝦同吉列蠔！以呢個價錢黎講，隻蝦咁大隻真係完勝，而隻蠔都好鮮甜，好好食☺️
其實食完呢兩個set都飽咗9成🤣都覺得自己會食唔晒牡蠣餃子同七味墨魚咀，但係呢兩樣嘢都比想像中再出色啲！牡蠣餃子係店家自製，超濃郁嘅蠔味，食得出用咗好多蠔去打入啲肉餡入面，會有種明明食餃子但好似食咗隻蠔嘅錯覺🤣七味墨魚咀上枱時我地都呆咗一下，平時啲墨魚咀都係指甲咁上下大細，但係佢嘅墨魚咀係成粒荔枝大細！！！以為係粉漿咩？唔係囉，係粒咀本身咁大粒😂炸得啱啱好熟，又唔會硬，好chewy，配搭七味粉亦都配搭得好好！結果呢兩樣都食下食下就食晒😂
最後都必需要講埋兩杯嘢飲，事關食到飽飽地，和歌山水果王冰茶起咗好好紓緩嘅作用，水果堆滿喺杯入面，仲有熱情果做底，酸酸甜甜好開胃🤣西柚玫瑰花茶熱嘅話係玻璃茶壺上，仲會有個座枱小蠟燭一路㷫住佢。西柚嘅微酸搭住玫瑰花香，食飽晒之後飲係消滯滿足嘅感覺☺️
可惜佢地新開暫時都係得主餐牌，如果有埋下午茶就正喇☺️
張貼
