一起食堂 (域多利皇后街)

營業中

休息中

餐廳喺中環，地點方便，店舖不算大。同幾個朋友一齊，叫咗好多嘢食。推介花雕麻油雞湯烏冬 $92，上枱之後自行淋上花雕酒。湯底好有驚喜，有桂圓紅棗冬菇，加上醉雞，感覺好滋補。。另外小食最推介滷水拼盆 $78，有滷水雞翼，滷牛𦟌，滷水豬耳，同滷水蛋。牛𦟌好入味，又夠厚，好好食。另一碟麻辣豬耳爽口，滷水豬耳就淋身入味，各有特色。都好吃。芋圓鮮草，性價比超高，唔好諗住一人一碗，因為好大碗，可以2-4人吃。餐廳不大，但店員很多，所以服務很到位，執枱，落單，上菜都好快。所有嘢上菜都熱辣辣。總結：會回頭。