3 CREPEs

營業中

休息中

好靚呀🥳原來卷到好似朵大玫瑰咁誘人既(*≧ω≦)忌廉芝士煙三文魚可麗餅好大份呀，食完一份飽左😂可以做午餐。個樣包裝得幾靚，最殺食係面頭好大件忌廉芝士，我食到一半先捨得開始食🤣呢件好啱減肥人士，夠靚打到卡，又無乜澱粉質，比食三文治🥪健康得多。三文魚好多下，但不會over咸度過曬火。面頭加上黑胡椒剛好，簡簡單單已足夠。食到去最底個度，皮多啲，有好充份既雞蛋味，香到四射，食到最後都有驚喜。凍焦糖咖啡樽仔好靚，竟然有500毫升咁多，飲完仲可以裝下水返公司飲。咖啡香甜，焦糖味啱我飲，甜奶比例ok，咖啡味5太濃厚，係牛奶咖啡，唔太飲到咖啡既都可以試下。