九份飽 (蜆殼街) (已搬遷) 新店位置

兩小口無得去台灣旅行，惟有食住台灣菜頂擋先。估唔到呢間小店咁受街坊食客歡迎，雖然已經過左食飯時間，但門口仍然有人龍要排隊等位👥👥👥。🧡紅燒牛肉麵牛𦟌炆得好淋好入味，所以輕輕一咬已經咬得開，而且牛肉既份量都幾多下，一碗入面都有四五塊，好滿足。💕湯底清甜唔油膩，面質比較似我地平時食開車仔麵的油麵口感。🧡肉鬆起司蛋餅還點了一份我每次到台灣旅行必點的蛋餅，蛋餅中間夾住芝士和肉鬆，最喜歡這兩款配料組合，味道咸香可口。😋🧡鹽酥雞當然不少得來一份台灣夜市名物鹽酥雞，炸雞熱騰騰炸起，外層相當鬆脆，炸粉漿不厚。中間的雞肉仍然保持嫩滑多汁，很好吃👍小店的台式小菜質素不錯，價錢合理不算貴，怪不得整天門外都有長長人龍啦！