94
12
8
等級2
15
0
好味到返唔到轉頭嘅叉燒
2024-04-05 1232 瀏覽
好多人都話圍一嘅叉燒好正，今次終於有機會試下。 第一次嚟感覺有啲地方淺窄，可能因為放咗好多枱，但亦因為多枱所以就算係星期六午餐時間，客人相當多，仍然好快就有位。嚟到當然要試吓「燶邊肥美腩叉飯」啦！嘩！一試難忘，肉質軟腍，口感一流，非常香口，食完咁正嘅叉燒真係返唔到轉頭，外面好難再搵到咁好味嘅叉燒。五十幾蚊一碗飯，但係絕不欺場，又大碗又好味，CP值非常高。另外都想推介「王牌叉燒炒滑蛋飯」，又係非常大碟抵食，碟飯起碼用咗三、四隻鷄蛋，而且好多叉燒，雖然唔係燶邊肥叉，但佢個蜜汁好野味，叉燒亦好有口感。我覺得兩款叉燒各有特色，但都係無懈可擊👍🏻👍🏻
更多
好多人都話圍一嘅叉燒好正，今次終於有機會試下。 第一次嚟感覺有啲地方淺窄，可能因為放咗好多枱，但亦因為多枱所以就算係星期六午餐時間，客人相當多，仍然好快就有位。

嚟到當然要試吓「燶邊肥美腩叉飯」啦！嘩！一試難忘，肉質軟腍，口感一流，非常香口，食完咁正嘅叉燒真係返唔到轉頭，外面好難再搵到咁好味嘅叉燒。五十幾蚊一碗飯，但係絕不欺場，又大碗又好味，CP值非常高。

另外都想推介「王牌叉燒炒滑蛋飯」，又係非常大碟抵食，碟飯起碼用咗三、四隻鷄蛋，而且好多叉燒，雖然唔係燶邊肥叉，但佢個蜜汁好野味，叉燒亦好有口感。

我覺得兩款叉燒各有特色，但都係無懈可擊👍🏻👍🏻
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐途徑
堂食
推介美食
  • 王牌叉燒炒滑蛋飯、燶邊肥美腩叉飯