湘川滬 (+WOO嘉湖二期)

營業中

休息中

我屋企人一直都好鍾意食上海野，今日同佢嚟到天水圍銀座嘅呢個餐廳，雖然唔算好大，但係坐得好舒服，位置闊落，最緊要嘅係服務員親切有禮，份外充滿人情味啊首先叫咗個冷盤雞絲粉皮，份量算多架，最重要嘅係麻將嘅比例恰到好處，粉皮新鮮，充滿彈性，雞絲唔會有雪藏嘅味道，而且配上青瓜絲，食落去爽口彈牙，真係食到停唔到口呀。黑棕鵝，好濃厚嘅鵝香味，唔會好鹹，但係啲肉就肥咗啲，鍾意食肥嘅人就啱晒啦，因為佢肥得來仲要好滑，如果我唔減肥，真係多多都食得晒呀。上海粗炒，份量稱得上係巨無霸，最緊要嘅係夠晒鑊氣，唔會好鹹，食落似烏冬咁滑身，果然夠晒正。