HeySoNuts

營業中

休息中

我同老公成日經開土瓜灣，都見到呢間餐廳大排長龍，見到佢哋個lunch好抵食，仲有熱黑咖啡或Earl Grey Tea送！我地就入左去食，可以另加錢食埋甜品，我就另加左碗餐湯，蕃茄湯蕃茄味道好濃郁，好creamy!🌸龍蝦汁大蝦意大利飯大蝦好新鮮又彈牙爽口，龍蝦醬汁好香濃，口感好creamy ，意大利飯入口好煙韌，每啖飯都充滿哂龍蝦汁嘅香味🌸自家製喇沙海鮮扁意粉，食材好足料，有齊大蝦、魷魚、蜆肉同埋秋葵，海鮮好新鮮，鮮味十足！我自己第一次食喇沙配意粉，喇沙醬汁好香口，同彈牙嘅扁意粉味道好夾，都幾惹味，幾有驚喜呢🌸香草牛油雞扒一上枱就聞到香噴噴，雞扒表皮煎至金黃色，好香脆！仍然保留到雞扒嘅肉汁！同時都食到好香濃嘅香草牛油味道，味道層次好豐富🌸開心果茉莉花醬日式疏乎厘班戟，厚厚疊高嘅梳乎厘班戟，上面淋滿開心果茉莉花醬同埋開心果碎，班㦸入口輕盈鬆軟，有空氣感，食到濃濃嘅開心果香味，唔會太甜，甜度啱啱好，好味🌸窩夫配焦糖布甸及香草雪糕，擺盤賣相已經好吸引，好豐富！暖笠笠嘅窩夫外脆內軟，有蛋香味！焦糖布甸好香滑，配埋雪糕一齊食，真係好滿足🌸熱玫瑰桃茶，清新嘅玫瑰香味，配埋芬芳嘅蜜桃香氣，飲落口好清新