吉列牛忌廉烏冬專門店 (彌敦道) (已結業)

呢間吉列牛忌廉烏冬專門店好耐之前已經鐘意食，最近想回味反，就去咗旺角呢間分店食晚餐。雖然環境唔算舒適，被安排到好逼嘅二人座位，張枱好細，而員工又比較冇禮貌，但食物都Ok有水準嘅😉吉列牛定食$148吉列牛份量好多，外陒内軟，牛肉味香濃，燒至半熟來食送飯絕配👍🏻 吉列牛有三種醬可以點，我覺得點芥末食最好味😋 個餐跟咗一碗麵豉湯，豆腐，仲有蕃茄仔，幾豐富！咖喱忌廉牛肉烏冬$78可以見到烏冬上面有大量cream，就知道佢口感有幾咁忌廉😍 忌廉份量啱啱好，食完又唔會覺得好膩。裏面嘅牛肉有啲半熟，肉質好軟淋。韓式甜辣醬單骨雞翼$68另外仲嗌左一個小食，甜辣醬雞翼。酸酸甜甜，味道十足，單骨雞翼食落仲好方便添。飲品要咗：熱蜂蜜菊花蜜$28甜蜜蜜嘅菊花茶，好暖身。Passion Punch $38 熱情果特飲，冰涼又清爽。